D GARUDA PURAANA: ಹೋಲ್ಡಿಂಗ್... ಹುಡುಗಿ...!

ಹೋಲ್ಡಿಂಗ್... ಹುಡುಗಿ...!

ಹೋಲ್ಡಿಂಗ್ ಮ್ಯಾಲೆ ಮೂಡಿದ್ದು
ಒಂದ ಕ್ಷಣಾ ನೋಡಿದ್ದು
ಮನದಾಗ ಇಳದು ಕಾಡಿದ್ದು.
ಹಿಂಗ-ಹಾಂಗ ಅಂತಾಗಿದ್ದು;
ಹ್ಯಾಂಗ ಅಂತ ಹೇಳದ್ದು!
ಚೆಂದದ ಚಿತ್ರಧಾಂಗ ಇದ್ದದ್ದು;
ಮನಸಿಗೆ ಹತ್ರ ಆಗಿದ್ದು
ಅವಳು ನೋಡಿ ನಕ್ಕಿದ್ದು
ಖರೇನೊ-ಸುಳ್ಳೊ ಅನಿಸಿದ್ದು;
ಹೋಲ್ಡಿಂಗ್ ಹುಡುಗಿ ಕೆಣಕಿದ್ದು.
ಸುಮ್ಮನ ಗಾಳ್ಯಾಗಷ್ಟ ಗುಳ್ಳಿ ಹಾರಿದ್ದು
ಮನಸಿನ್ಯಾಗ ಮಂಡಗಿ ತಿಂದಿದ್ದು,
ಬಿಲ್ ಕೊಡದ ಬಂದಿದ್ದು...!

ಇದ್ದದ್ದು ಇದ್ದಾಂಗ ಹೇಳಿದ್ರ ನೀವು ಎದ್ದು ಬಂದು ಎದಿಗೆ ಒದಿಬ್ಯಾಡ್ರಿ...! ಹೇಳೊದನ್ನೆಲ್ಲಾ ನಾನು ಸಕತ್ ಖಡಕ್ ಆಗಿರೊ ರೊಟ್ಟಿಹಾಂಗ ಹೇಳಿಬಿಡ್ತೀನಿ. ಜೊತೆಗೆ ಒಂದಿಷ್ಟು ಹಸಿ ಖಾರಾನೂ ಇರ್ತದ. ಅದಕ್ಕ ಅರಗಿಸಿಕೊಳ್ಳೋದು ಕಷ್ಟ ಆಕೈತಿ. ಖಡಕ್ ರೊಟ್ಟಿ ಒಂದಿಷ್ಟು ಖಾರಬ್ಯಾಳಿ, ಜೊತಿಗೆ ಹಿಡಿ ಹಸಿ ಖಾರಾ, ಮ್ಯಾಲೆ ಇನ್ನೊಂದಿಷ್ಟು ಹಸಿ ಮೆಣಸಿನಕಾಯಿ ಮತ್ತ ನಂಜಿಕೊಳ್ಳಾಕ ಉಳ್ಳಾಗಡ್ಡಿ. ಆಹಾ...ಅದರ ರುಚಿನ ಬ್ಯಾರೆ, ಆದರ ನಮ್ಮೂರಿನ ಬಿಸಿಲಿನ್ಯಾಗ ಅದು ಸರಿ. ಬಾಕಿ ಕಡ್ಯಾಗ ಹಿಂಗ ತಿಂದ್ರ... ಶಿವ ಶಿವಾ...! ಆದ್ರೂ ಅಂಥಾ ರುಚಿ ಬ್ಯಾರೆ ಯಾವ್ದೂ ಇಲ್ಲಾ. ಆ ಖಾರಾ ಮನದೊಳಗಿನ ಮಾತ್ಸರ್ಯದ ಖಾರಾನೂ ಸುಟ್ಟು ಹಾಕೈತಿ. ಇಲ್ಲಿ ನನ್ನ ಮಾತೂ ಒಂಥರಾ ನಮ್ಮೂರ ಊಟದ ಹಾಂಗ. ಖಾರಾನೂ ಜಾಸ್ತಿ... ಅದಕ್ಕ ಸಹಿಸಿಕೋಬೇಕು...!

ನಿಮ್ಮ ಗೆಳಿಯಾ... ಡಿ.ಗರುಡ