ಮತ್ತ್ ಮತ್ತ್ "ಮತ್ತು"
ಆಕಿಗೆ ಮಾತ್ರ ಗೊತ್ತು.
ಚಿತ್ರದ ಹಾಂಗನ ಇತ್ತು,
ಪಾತರಗಿತ್ತಿ ಕುಳಿತಿತ್ತು;
ಹೂವು ಅರಳಿತ್ತು,
ಮನಸು ಕೆರಳಿತ್ತು.
ಕಣ್ಣು ಹೊರಳಿತ್ತು,
ಕುಡಿ ನೋಟ ಕೇಳಿತ್ತು;
ಎದಿ ಬಡಿತಿತ್ತು,
ಡವಾಡವಾ ಸದ್ದಿತ್ತು.
ಮಿಲನ ಯಾವತ್ತು?
ಕಾಡಿಗಿ ಕದಲಿತ್ತು;
ಪ್ರಶ್ನೆ ಅದ ಆಗಿತ್ತು,
ಮತ್ತ ಭೇಟಿ ಯಾವತ್ತು?
ತುಂಬಿಕೊಂಡಿತ್ತು
ಬೆಳಗಿನ ಹೊತ್ತು;
ಮನಸಿಗೆಲ್ಲಾ ಮತ್ತು,
ಕನಸಿಗೆಲ್ಲಾ ಗೊತ್ತು!
ಮೂಗುತಿಯ ಹುಡಗಿಗಿತ್ತು ,
ನನ್ನ ಕೆಣಕೋ ತಾಕತ್ತು;
ಮೊದಲ ಪೆಗ್ಗಿಗೇ ಏರಿತ್ತು,
ತಲಿ ಸುತ್ತಿ ಬರತಿತ್ತು.