ನೀವು ನೋಡಿರತೀರಿ ಅಂತ ಅನಕೊಂಡೀನಿ. ನಾನಂತೂ ಭಾಳ ಸಲಾ ನೋಡಿನಿ. ಅಂಥಾ ಸೀನ್ ನೋಡಿದಾಗೆಲ್ಲಾ; ಹಿಂಗ್ಯಾಕ... ಹಿಂಗ್ಯಾಕ...? ಅಂತ ಭಾಳ ಸಲಿ ನನ್ನನ್ನ ನಾನು ಕೇಳಕೊಂಡೀನಿ. ಈ ಹುಡುಗೀರು ಹಿಂಗ್ಯಾಕ ಮಾಡತಾರ. ಒಂದು ಕಣ್ಣಿಗೆ ಬೆಣ್ಣಿ-ಒಂದ ಕಣ್ಣಿಗೆ ಸುಣ್ಣಾ..? ಅಂತಾನೂ ಭಾರಿ ದೊಡ್ಡ ಚಿಂತಕನಹಾಂಗ ಚಿಂತಿ ಮಾಡೀನಿ. ಚಿಂತಿ ಮಾಡೋ ವಿಷಯಾನ ಅಲ್ಲ; ಆದ್ರೂ ಚಿಂತಿ ಮಾಡೀನಿ. ಅದೇನೋ ಅಂತಾರಲ್ಲಾ ಉದ್ಯೋಗ ಇಲ್ಲದ ಬಡಿಗ್ಯಾ... ಅದೇನೋ ಮಾಡಿದ್ದಂತ!
ಏ... ಭಾಳ ದೊಡ್ಡ ಪಲ್ಲವಿ ಹಾಡಿದ್ದಾತು; ಚರಣಾ ಶುರು ಮಾಡೋ ಬೋ... ಮಗನೇ ಅಂತ ನಮ್ಮ ಹುಬ್ಬಳ್ಳಿ ಹುಡುಗೋರ್ ಹಾಂಗ ಹಿಗ್ಗಾಮುಗ್ಗಾ ಮನಿಸಿನ್ಯಾಗ ಬೈಬ್ಯಾಡ್ರಿ. ನೀವು ಮನಸಿನ್ಯಾಗ ಬೈಕೋಳೋದುಕ್ಕೂ ಮೊದಲ ವಿಷಯಕ್ಕ ಬರತೀನಿ. ಇದು ನಮ್ಮೂರಿನ ವಿಷಯಾ ಅಲ್ಲ. ಇದು ಬೆಂಗಳೂರಿನ ವಿಷಯಾ... ಬೆಂಗಳೂರಿನ ಹುಡಗೀರ ವಿಷಯಾ. ನೀವೂ ನೋಡಿರತೀರಿ; ಆದರ ನನ್ನಹಾಂಗ ಆ ವಿಷಯದಾಗ ಚಿಂತಿ ಮಾಡಿ ಬರಿಯೋದಕ್ಕ ಹೋಗಿಲ್ಲಾ ಅಂದಕೋತಿನಿ. ಒಂದಿಷ್ಟು ಮಡಿವಂತಿಕಿ ಬಿಟ್ಟು ನೋಡಿ, ಚಿಂತಿ ಮಾಡಿ, ಬರಿಬೇಕು ಅಂತ ಯೋಚನಿ ಮಾಡಿ... ಈ ವಿಷಯದ ಮ್ಯಾಗ ಬರಿಯಾಕ ಕುಂತೋರ್ರು ಯಾರೂ ಇಲ್ಲಾ ಅಂತ ಅನ್ನಕೋತೀನಿ.
ಈ ವಿಷಯಾನ ಹಂಗದ, ಸ್ವಲ್ಪ "ಸಿ" ಗ್ರೇಡ್ ಪ್ರೇಕ್ಷಕರಿಗೆ ಮಾಡಿದ ಸಿನಿಮಾದಹಾಂಗ. ಬೆಂಗಳೂರಿನ್ಯಾಗ ಇಂಥಾ "ಸಿ" ಗ್ರೇಡ್ ಸಿನಿಮಾದಾಗಿನ ದೃಶ್ಯದ ಹಾಂಗ ಕೆಲವು ರಿಯಲ್ ಸೀನ್ ಕಾಣಸತಾವ. ಅವುಗಳನ್ನ ಸೂಕ್ಷ್ಮವಾಗಿ ನೋಡ್ರಿ ನಿಮ್ಮ ಮನಿಸಿನ್ಯಾಗ ನನ್ನ ಮನಸಿನ್ಯಾಗ ಹುಟ್ಟಿಧಾಂಗ ಒಂದಿಷ್ಟು ಪ್ರಶ್ನೆ ಏಳತಾವ.
ಮ್ಯಾಲೆ ಒಂದು ಚಿತ್ರಾ ನೋಡೀದಿರಲ್ಲಾ. ಅದನ್ನ ಸರಿಯಾಗಿ ನೋಡ್ರಿ. ನಾನು ಏನು ವಿಷಯಾ ಹೇಳಾಕ ಹೊಂಟೀನಿ ಅಂತ ನಿಮಗೂ ಒಂದಿಷ್ಟು ಅರ್ಥ ಆಗಭೋದು. ಬೆಂಗಳೂರಿನ್ಯಾಗ ಇಂಥಾ ದೃಶ್ಯಾ ಸಾಕಷ್ಟು ನೋಡಾಕ ಸಿಗತಾವು. ಇಂಥಾ ದೃಶ್ಯಾ ನೋಡಿದಾಗೆಲ್ಲಾ ಯಾಕಪ್ಪಾ ಈ ಹುಡುಗೀರು ಹಿಂಗ ಅಂತ ಅನಿಸಿದ್ದು ಖರೆ.
ಹುಡುಗೀರು ಎದಿ ಕವಲು ಕಾಣೋಹಂಗ ಡ್ರೆಸ್ಸು ಹಾಕ್ಕೊಂಡು ಬಂದಿರ್ತಾರ. ಆದ್ರ ಮಜಾ ನೋಡ್ರಿ; ಹಾಂಗ ಡ್ರೆಸ್ ಹಾಕ್ಕೊಂಡೋರು ರಸ್ತೆಯಲ್ಲಿ ನಡಕೊಂಡು ಹೋಗೋವಾಗ ಕೂದಲಾನ ಎಳದೆಳದು ಎದೆ ಕವಲು ಮುಚ್ಚಿಕೊಳ್ಳೋ ಭಾರಿ ಸಾಹಸಾ ಮಾಡ್ತಿರ್ತಾರ. ಅದನ್ನ ನೋಡಿದಾಗ ನನಗಂತೂ ಅನಿಸಿದ್ದು ಹಿಂಗ "ಯಾಕಾರ ಹಾಕ್ಕೋಬೇಕು ಇಂಥಾ ಡ್ರೆಸ್ಸು? ಹಾಕ್ಕೊಂಡು ಬೀದಿಗೆ ಬಂದಾದ ಮ್ಯಾಗ ಅರೆಬಿಚ್ಚಿದ ಎದೆಯನ್ನ ಹಿಂಗ ಕೇಶದಿಂದ ಮುಚ್ಚುವ ಸಾಹಸಾ ಯಾಕ?" ಅಂತ.
ಒಂದೋ ಮನ್ಯಾಗಿಂದನ ಎದೆ ಮುಚ್ಚಿಕೊಳ್ಳೋ ಹಾಂಗ ಡ್ರೆಸ್ಸು ಹಾಕ್ಕೊಂಡು ಬರಬೇಕು. ಇಲ್ಲಾ ಅರ್ಧ ಎದಿ ಬಿಟ್ಟುಕೊಂಡ ಬಂದಮ್ಯಾಗ ಅದನ್ನ ಕೂದಲಿಂದಾ ಮುಚ್ಚಿಕೊಳ್ಳೋ ಸಾಹಸ ಮಾಡೋದು ಬಿಡಬೇಕು. ಇನ್ನೊಂದು ಮಜಾ ವಿಷಯಾ ಐತಿ; ಹಿಂಗ ಅರ್ಧ ಎದಿ ಬಿಟ್ಟುಕೊಂಡು ಬಂದ ಹುಡುಗೀರು ಬ್ಯಾರೆ ಜನರ ಮುಂದ ಹಿಂಗ ಕೂದಲು ಎಳುದು ಎದಿಮ್ಯಾಗ ಹಾಕ್ಕೋತಾರ. ಆದರ ಅವರು ತಮ್ಮ ಗೆಳಿಯಾ (ಬಾಯ್ ಫ್ರೆಂಡು) ಎದುರಿಗೆ ಬಂದಾ ಅಂದಕೂಡಲೇ ಎಲ್ಲಾ ಕೂದಲನ್ನೂ ಬೆನ್ನಿನ ಹಿಂದ ಹಾಕ್ಕೊಂಡು ಧೈರ್ಯದಿಂದ ಹಾಗೂ ಪ್ರೀತಿಯಿಂದಾ ತಮ್ಮ ಹೃದಯ ಇಲ್ಲಿದೆ ಅಂತಾ ತೆಗೆದು ತೋರಿಸೋಹಾಂಗ ನಿಲ್ಲತಾರ.
ಇಂಥ ಹುಡುಗೀರಿಗೆ ನನ್ನದೊಂದು ಪುಕ್ಕಟೆ ಸಲಹೆ ಅಂದ್ರ; ನೀವು ನಿಮ್ಮ ಗೆಳಿಯಾಗ ಮಾತ್ರ ಹಿಂಗ ಒಂದಿಷ್ಟು ಅಂಗ ದರ್ಶನ ಮಾಡಿಸೋ ಯೋಚನೆ ಇದ್ದು; ಬ್ಯಾರೆಯವರು ನೋಡಬಾರದು ಅಂತ ಅನಕೊಂಡಿದ್ರ ಹಿಂಗ ಮಾಡ್ರಿ... ಹ್ಯಾಂಗ ಅಂದ್ರ; ಮನಿಯಿಂದ ಹೊಂಡೊವಾಗ ಒಂದು ಶಾಲು ಇಲ್ಲಾ ದುಪಟ್ಟಾ ಹೊದ್ದುಕೊಂಡು ಬರ್ರಿ, ನಿಮ್ಮ ಗೆಳಿಯಾ ಭೇಟಿ ಆದಾಗ ಅದನ್ನ ತೆಗದು ಸಂತೋಷದಿಂದಾ ಅವನ ಮುಂದೆ ಹೆಂಗ ಬೇಕಾದರೂ ನಿಲ್ರಿ. ಅದನ್ನ ಬಿಟ್ಟು; ಅರೆಬರೆ ಬಟ್ಟೆ ಹಾಕ್ಕೊಂಡು ಕೂದಲಿನ ಕರ್ಟನ್ನು ಎಳಿದು ಮುಚ್ಚಿಕೊಳ್ಳೋ ಪ್ರಯತ್ನಾ ಮಾಡಬ್ಯಾಡ್ರಿ ಅಂತ ನನ್ನ ಅಕ್ಕ-ತಂಗೀರ ಸಮಾನ ಹುಡುಗೀರೆಲ್ಲಾರಿಗೂ ಹೇಳತೀನಿ!