ಎಂ.ಜಿ. ರೋಡು ತಡಾದು ಮುಂದ ಹೊಂಟಾಗ ದಾರ್ಯಾಗ ಸಿಕ್ರು ನಮ್ಮೂರಾಗಿನ ಹಳೆ ಪೇಂಟಿಂಗ್ ಕಲಿಸಿದ ಸರು. ಅಡ್ಡ ನಿಂದ್ರಿಸಿ; ಚಿತ್ರ ಸಂತಿ ನೋಡಾಕ ಬಂದೀನಿ ಅಂದ್ರು. ಅವಾಗ ಅವರಿಗ ಏನೋ ನೆಪ್ಪಾತು; ತಟ್ಟನ "ಪೇಂಟರ್ ಆಗಾಕ ಹೊಂಟಾವಾ; ಇದೇನು ಈಗ ಪೇಪರನ್ಯಾಗ ಬರಕೊಂಡು ಹೊಂಟಿ...?" ಅಂತ ಕೇಳಿದ್ರು. ಅದೇನು ಚೆಂದಾಗಿ ಚಿತ್ರಾ ಬರೀತಿದ್ದಿ; ಇದೇನು ಪೇಪರನ್ಯಾಗ ಕೆಲಸಾ ಮಾಡಕೊಂಡು ಹೊಂಟಿ? ಅಂತ ಮತ್ತೊಂದು ಪ್ರಶ್ನಾ ಕೇಳೇಬಿಡಬೇಕಾ. ಪೇಪರನ್ಯಾಗ ಛಲೋ ರೊಕ್ಕಾ ಕೊಡತಾರೇನು? ಹಿಂಗ ಮತ್ತೊಂದು ಪ್ರಶ್ನಾ ಹಾಕಿದ್ರು ಪೇಂಟಿಂಗ್ ಕಲಿಸಿದ ನನ್ನ ಸರು. ರೊಕ್ಕಾ ಮುಖ್ಯ ಅಲ್ಲೋ; ಮನಸಿಗೆ ಸಮಾಧಾನ ಸಿಕ್ಕಬೇಕು. ನಿನ್ನ ಮನಸು ಒಪ್ಪೋ ಹಾಂಗ ಕೆಲಸಾ ಮಾಡು; ಎಲ್ಲಾರಹಾಂಗ ಮಣ್ಣು ಮುಕ್ಕಾಕ ಹೋಗಬ್ಯಾಡ ಅಂತ ಕೊನೀಗ ಒಂದು ಉಪದೇಶಾನೂ ಕೊಟ್ರು. ಅವರನ್ನ ಹೋಟೆಲಿಗೆ ಬಿಟ್ಟು; ಮನಿಗೆ ಹೋಗಿಬಿಟ್ಟು, ಕಂಪ್ಯೂಟರಿನ್ಯಾಗ ಮೌಸ್ ಅನ್ನೋ ಕುಂಚಾ ಹಿಡದು ಒಂದು ಚಿತ್ರಾ ಬರದೆ. ಆಗ ಅನಸ್ತು ಇನ್ನೂ ನನ್ನ ಕೈಯ್ಯಾಗ ಕಲೆ ಐತಿ ಅಂತ...! ಆ ಒಂದು ಚಿತ್ರ ಇಲ್ಲೈತಿ ನೋಡ್ರಿ...!